Përshkrimi i detyrave të punës

Qëllimi i konsulencës

Qëllimi i këtij angazhimi është shqyrtimi dhe analizimi i Shërbimeve të Punësimit në Shqipëri si  dhe  përgaditja  e  një  raporti  me  shqyrtime  dhe  rekomandime  për  përmirësim  të shërbimeve të punësimit në rajonin kufitar Shqipëri-Kosovë.

Përshkrimi i projektit

Fuqi  Punëtore  e  Shkathët  për  Integrim  Ekonomik-  SWEI  është  projekt  i  financuar  nga

Bashkimi Evropian dhe menaxhuar nga Zyra e Delegacionit të Bashkimit Evropian në Shqipëri. Projekti SWEI është dizajnuar me qëllimin që të nxisë bashkëpunimin, shkëmbimin e përvojave, përmirësimin e efikasitetit dhe cilësisë së Shërbimeve të Punësimit dhe Qendrave të  Aftësimit Profesional  për  punësim të qëndrueshëm  të  punëkërkuesve, trajnimin e të rinjve për të mbështetur integrimin socio-ekonomik në rajionin ndër-kufitar Shqipëri-Kosovë.

Përshkrimi i hollësishëm i detyrave të punës

Eksperti do të bëjë një shqyrtim dhe analizim të shërbimeve të punësimit të cilat ofrohen nga zyrat e punësimit në rajonin kufitar Shqipëri-Kosovë.

4 ditë pune do të i llogariten për mbledhjen e të dhënave, analizimin e raporteve dhe dokumenteve strategjike, 3 ditë pune për takimet të organizuara në kuadër të projektit në Shqipëri (punëtori dhe takime) dhe takime tjera eventuale me zyrtar nga shërbimet e punësimit. Ndërsa, 3 ditë tjera pune do të llogariten për hartimin e raportit.

Rezultatet e pritshme

• Mblidhen të dhënat sasiore dhe cilësore nga dokumentet e ndryshme strategjike dhe takimet me këshilltarët e punësimit;
• Evidentohen shërbimet e punësimit të ofruara nga zyrat e punësimit;
• Shqyrtohen dhe analizohen shërbimet e punësimit të ofruara nga zyrat e punësimit;
• Ofrohen rekomandime për përmirësim të shërbimeve të punësimit si dhe mundësisë së shkëmbimit të përvojave me shërbimet e punësimit në Kosovë dhe mundësinë e

bashkëpunimit në mes të dy shërbimeve.

• Hartohet një raport me të dhënat e mbledhura dhe rekomandimet për përmirësim të shërbimeve të punësimit.
• Të gjeturat  dhe  rekomandimet  e  hulumtimit  prezantohen  dhe  diskutohen  me akterët e shërbimeve të punësimit në punëtorinë e organizuar në Shqipëri.

Kualifikimet

• Kualifikim i nivelit baçelor, preferohet niveli master, në fushën e shkencave sociale, apo ngjashm;
• Së paku 3 vite përvojë pune në fushën e hulumtimeve dhe hartimit të raporteve;
• Njohje e mirë e sistemit të ofrimit të shërbimeve publike të punësimit në Kosovë;
• Shkathtësi të mira të analizës së dokumenteve dhe të dhënave si dhe hartimit të raporteve;
• Njohje e shkëlqyeshme e gjuhës shqipe;
• Shkathtësi të mira të komunikimit dhe prezantimit.

Raportimi

Ekspert i raporton menaxherit të projektit, Agron Hajdari.

Mënyra e aplikimit

Të      gjithë     të     interesuarit     mund     të     aplikojnë     nëpermes     emailit      në     email adresën This email address is being protected from spambots. You need JavaScript enabled to view it.duke dërguar CV-në e tyre deri më 31 Maj 2018.