Përshkrimi i detyrave të punës

Qëllimi i angazhimit

Qëllimi i këtij angazhimi është realizimi i vlerësimit përfundimtar të zbatimit të projektit “Fuqi Punëtore e Shkathët për Integrim Ekonomik/Skilled Workforce for Economic Integration” – SWEI.

Përshkrimi i projektit

Fuqi Punëtore e Shkathët për Integrim Ekonomik/Skilled Workforce for Economic Integration - SWEI është projekt i Programit për Bashkëpunimin ndër-kufitar Shqipëri-Kosovë i financuar nga Bashkimi Evropian dhe implementohet nga Agjensioni i Përkrahjes së Punësimit në Kosovë (APPK) dhe Instituti për Studime Ndërkombëtare (ISI) në Shqipëri. Projekti SWEI është dizajnuar me qëllimin që të nxisë bashkëpunimin, shkëmbimin e përvojave, përmirësimin e efikasitetit dhe cilësisë së Shërbimeve të Punësimit dhe Qendrave të Aftësimit Profesional për punësim të qëndrueshëm të punëkërkuesve, trajnimin e të rinjve për të mbështetur integrimin socio-ekonomik në rajonin ndër-kufitar Kosovë-Shqipëri.

Përshkrimi i hollësishëm i detyrave të punës

Qëllimi  i  angazhimit  të  konsulentit  është  realizimi  i  vlerësimit  përfundimtar  të  zbatimit  të  projektit, përkatësisht vlerësimi i shkallës së zbatimit të aktiviteteve të projektit.

Vlerësimi duhet të realizohet përmes katër aspekteve në vijim:

1)   Efikasiteti – deri në çfarë mase janë arritur objektivat e projektit dhe cilët janë faktorët kryesorë që kanë ndikuar në (mos)arritjen e objektivave të projektit.

2)   Relevanca  –  sa  ka  qenë  i  dobishëm  projekti  për  grupet  e  synuara  të  projektit,  në  zgjidhjen  e problemeve dhe sfidave që ndërlidhen me ndërhyrjet e projektit.

3)   Qëndrueshmëria – vlerësimi nëse rezultatet e arritura të projektit do të vazhdojnë ndikimin e tyre edhe pas përfundimit të projektit dhe si është zbatuar projekti në kontekstin institucional.

4)   Procesi – sa ka qenë rrjedha e procesit e mjaftueshme dhe e kënaqshme dhe si mund të përmirësohet.

Metodologjia për realizimin e vlerësimit përfundimtar të projektit duhet të përfshijë:

• Rishikimin e dokumenteve të projektit (raporteve, planeve dhe publikimeve tjera).
• Realizimin e  intervistave  me  ekipin  menaxhues  të  projektit,  me  bashkëpunëtorët  institucional  të projektit dhe përfituesit tjerë nga aktivitetet e projektit në Kosovë dhe Shqipëri.
• Krahasimin e caqeve të synuara të projektit me treguesit e arritshmërisë.

 Raporti i vlerësimit përfundimtar të projektit duhet të ndjekë strukturën në vijim:

• Përmbledhjen ekzekutive
• Përshkrimi i arritjeve të projektit (përshkrimi i objektivave dhe rezultateve të arritura)
• Vlerësimi i projektit (Efikasiteti, Relevanca, Qëndrueshmëria dhe Procesi)
• Mësimet e nxjerra dhe rekomandimet
• Lista e takimeve dhe vizitave gjatë vlerësimit (shtojcë).

 Rezultatet e pritshme

 1) Mblidhen të dhënat sasiore lidhur me treguesit e zbatimit të projektit;

2) Të gjithë përfituesit institucional të projektit ofrojnë vlerësimin e tyre mbi zbatimin e aktiviteteve përkatëse të projektit;

3) Hartohet raporti i vlerësimit përfundimtar të projektit;

 Kualifikimet

• Kualifikim i nivelit baçelor, preferohet niveli master, në fushën e shkencave sociale.
• Njohuri mbi projektet të fondit IPA të Bashkimit Evropian për projektet e bashkëpunimit ndërkufitar.
• Njohje e mirë e sistemit të aftësimit profesional dhe punësimit në Kosovë dhe Shqipëri.
• Përvojë në  vlerësimin  e  projekteve,  në  veçanti  projekteve  të  financuara  nga  Bashkimi  Evropian, minimumi përvojë në vlerësimin e 3 projekteve të financuara nga Bashkimi Evropian..
• Shkathtësi të mira të shkrimit të hulumtimeve, raporteve, analizave, e tjera.
• Njohje e shkëlqyeshme e gjuhës shqipe dhe angleze.

Raportimi

 Konsulenti i përzgjedhur do ti raportoj menaxherit të projektit SWEI.

Dokumenti duhet të dorëzohet në formë elektronike (në formatin Ms Word, fonti Times New Roman, madhësia e fontit 12), në gjuhën angleze.

 
Mënyra e aplikimit

Të gjithë të interesuarit mund të aplikojnë nëpërmes email-it në email adresën  This email address is being protected from spambots. You need JavaScript enabled to view it.me subjekt “Konsulent për realizimin e vlerësimit përfundimtar të zbatimit të projektit SWEI” duke dërguar CV-në dhe një letër motivuese të tyre më së largu deri më 31 Janar 2020, ora 17:00.

Vetëm kandidatët në listën e ngushtë do të ftohen në intervistë.